ATEM

MOONLY ALEM (мұңды әлем)

Мұнда мен,
Тыңда кел,
Менде сол бітпейтін мұңды әлем...

Қ-сы
Салқындықты сеземін,
Ойлар ұйқы ұрлайды.
Сын көзбен сынақтар,
Мұнда олсыз болмайды....
(Салқындықты сезем, сезем, сезем, сезем...)

1 Prt.
(Неге, неге, неге?)
Жанымның жалауын құлата берем,
Жақындар кеткенде жырақтап меннен.
Қайғы-мұң келеді кеудемді өртеп,
Бөлмеңде тығылып жасыңды төк деп.
Тек жек көрініш,
Бұл не көрініс? бұл не бөлініс?
Құл тер төгіп, іс жасауда жай,
Көргендер сөзбен асауға дайын...
Ал менің пендем жылайды
Жасырынып қалып іште..
Шарап құйдым шынаяққа,
Ұмыт бәрін алып іш те...2х

Қ-сы
Салқындықты сеземін,
Ойлар ұйқы ұрлайды.
Сын көзбен сынақтар,
Мұнда олсыз болмайды....
(Салқындықты сезем, сезем, сезем, сезем...)

2 Prt.
Сатқындық көрген сорлы жүрек, 
Мен кімге табыстайм, оны кімге сенем? 
"Сырыңды жаюға дайындал қалқам
қаламыңды алып, бүгін түнде келем",-
деген қаһарлы үн естілсе құлағыма, 
Мен жұдырыққа жығылар жылаймын жандай.
Әкемнен таяқ жеп бізге көрсетпей,
Түнделетіп анам жылағандай...
Айға асылып қалуды ойланам, Айға асылып,
Сенімді селк етіп, серігім дегендерім сарайдан кетті жай сайға ысырып.
Маңдайым тимейді жерге, тек сүйіседі құммен,
Кек бар жерде мен жүрмеймін деп, сүю өліп кеткен бе а? 
Дем тарылған бұл төбелесте,
Жеңіске жетеді бойымда ібілес.
Тер төгілер сыпырылып түскенше терім,
Тыныштығымның күзеті өнерім – Хельм. 
Менің есімде бар қай кезде тілімделді көңіл,
Ал сенің есіңде жоқ қашан сыйлады жігітің гүл.
...Неге жамандық қалады есте?
Жақсылық жасаумен жалын кешкен.
Ішіне сыймастан жан-айқайы,
Қолында із бар, ол тамыр кескен.
Кескіндеп бейнесін шексіздіктің салып алған ою терісіне,
Үш нүкте, арманы қалу ел есінде...